చైనా ఎలక్ట్రానిక్స్ దిగ్గజం హువావే సంస్థ భారత్లో రెండు కొత్త ట్యాబ్లెట్లను విక్రయానికి అందుబాటులోకి తీసుకొచ్చింది. హువావే మేట్ప్యాడ్ ఎస్ఈ 11, హువావే మేట్ప్యాడ్ 11.5 పేపర్మ్యాట్ ఎడిషన్ మోడళ్లు ఇప్పుడు ఫ్లిప్కార్ట్లో కొనుగోలుకు లభిస్తున్నాయి. చదువు, ఆఫీసు పనులు సులభంగా చేసుకునేలా ఈ ట్యాబ్లెట్లను రూపొందించినట్లు కంపెనీ తెలిపింది.
హువావే మేట్ప్యాడ్ ఎస్ఈ 11 ధర రూ.25,999గా నిర్ణయించారు. హువావే మేట్ప్యాడ్ 11.5 పేపర్మ్యాట్ ఎడిషన్ ధర రూ.45,999. ఈ మోడల్తో కీబోర్డును కూడా అందిస్తున్నారు.
మేట్ప్యాడ్ 11.5 పేపర్మ్యాట్ ఎడిషన్లో 11.5 అంగుళాల 2.5కే స్క్రీన్, 120 హెర్ట్జ్ రిఫ్రెష్ రేట్ ఉన్నాయి. స్క్రీన్ లైట్ తగ్గి కళ్లపై ఒత్తిడి పడకుండా ప్రత్యేక సాంకేతికతను ఉపయోగించినట్లు హువావే వెల్లడించింది. ఇందులో 13 మెగాపిక్సెల్ వెనుక కెమెరా, 8 మెగాపిక్సెల్ ముందు కెమెరా ఉన్నాయి. మంచి క్వాలిటీతో నాణ్యతతో వీడియోలు చిత్రీకరించవచ్చు.
ఈ ట్యాబ్లెట్లో కిరిన్ టి82బి ప్రాసెసర్, 8 జీబీ ర్యామ్, 256 జీబీ స్టోరేజ్ సామర్థ్యం ఉన్నాయి. 10,100 ఎంఏహెచ్ బ్యాటరీ, 40 వాట్ల వేగవంతమైన ఛార్జింగ్ సౌకర్యం కల్పించారు. కొత్త నోట్స్ యాప్తో చేతిరాత నోట్స్ రాయడం, పత్రాలపై గుర్తులు పెట్టడం సులభమని కంపెనీ తెలిపింది.
మేట్ప్యాడ్ ఎస్ఈ 11లో 11 అంగుళాల పూర్తి హెచ్డీ ప్లస్ ఐ కంఫర్ట్ స్క్రీన్ ఇచ్చారు. కిరిన్ 710ఏ ప్రాసెసర్, 8 జీబీ ర్యామ్, 128 జీబీ స్టోరేజ్ సామర్థ్యం ఉన్నాయి. స్టైలస్కు సపోర్ట్ ఉంది. 8 మెగాపిక్సెల్ వెనుక కెమెరా, 5 మెగాపిక్సెల్ ముందు కెమెరా, నాలుగు స్పీకర్లు, 7,700 ఎంఏహెచ్ బ్యాటరీ, 22.5 వాట్ల వేగవంతమైన ఛార్జింగ్ సదుపాయం కల్పించారు.
విద్యార్థులు, ఉద్యోగుల కోసం హువావే కొత్త ట్యాబ్లెట్లు.. ధరలు, ఫీచర్లు ఇవే!
